MAESTRO
(fa
l'appello)
Astula Gíovanni, Arrigu Francesco, Carenu Giuseppe, Francu Luigi, Gerda
Mario, Lísu Antonio, Muru Antonio, Sudda Giuseppe, Trastu Mario.
Tutti presenti, anche Bachis, toccada a ficcare unu crau in su muru....
BACHIS
Su Mà, ammentàdebos chi oe er zoia.
MAESTRO
E si er zoia?
BACHIS
Aízis nadu chi sa joia aìmus àere faedhàdu in sardu, finzas bois.
MAESTRO
Za tenese resone, mi ndhe fia irmentighendhe.
….(si porta alla lavagna e vi disegna una piramide)….
Rivolto a Luigi chiede: It’apo fatu?
LUISI
Sa punta de su campanile.
MAESTRO
S’assemìzada, ma no es cussa. Naralu
tue Zizzu.
ZIZZU
Est una piramide.
MAESTRO
Eia, narabìlis ite fini, proìte serbìana e inùe sunu.
ZIZZU
Fin barracas, mannas cant’una furca, inùe in antigòria ponìan sa
zente a sicàre e apoi la faghìan a mummia.
TUTTI
Ridono
a crepapelle.
MARIEDHU
Pro figu l'asa leàda?
ZIZZU
Ei, propiu gai, ca candho ‘nde lor bogana sunu finzas infarinados.
MARIEDHU
E infarinàdu chi no sese! A sicare lu pònen in fora e in sa piramide
che lu pònene pro l'infurrare.
TUTTI
(ridono
ancora)
DANILO
Su Mà, lu nar’èo?
MAESTRO
Naralu tue.
DANILO
Fin tumbas acurzu a s'Egitto, inùe ch'interraìana sos fanfarrones,
imboligàdos dae conca a pese, e apoi che los ponìan in su cofanu.
MAESTRO
Basta! Pro Deus! …(il
bidello bussa):
Avanti!
BIDELLO
Ch’este tzia Annetta.
MAESTRO
Nàrali a bintrare … (e
rivolto agli alunni)
Fate silenzio!
ANNETTA
Bongiorno! (tutti
rispondono e si alzano in piedi)
MAESTRO
Setzìdebos e no fetedas burdellu.
ANNETTA
Su Mà, mi depìdes iscusare ca no so énnida derisèro, ca zughìa su
furru allutu. Ite ch’a de bonu?
MAESTRO De bonu ch’a pagu. T'apo cramàdu pro ti narrere chi Zizzu er faghìndhe pagu e nudha. Finzas in s'interrogàssione de martis no ‘ndh’ada inzertàd’una. L'apo domandhàdu inùe fidi su Tamígi… e nudha! Sa cadèna de sas'Alpese…e nudha! Sos Apenninoso…e nudha! Mi niad’íssa!
ANNETTA
E ite cherìdes chi bos nìa? So
istraca de li narrer chi sas cosas de iscola si làssana inìe…
e no in fatu 'e su logu .... ma isse....
MAESTRO
Ma fòrsisi no mi so ispiegàdu ‘ene.
Abaidàde chi sas cadenas de sas’Alpese e Apenninos...
ANNETTA
(interrompendolo)
Cussas, pro narrer sa veridàde, las apo lassadas’èo, ca lar zughìada su
babu in sos pantalones.
MAESTRO
Ahí tzia Annetta! Tenìde passéntzia, sos'Apenninos e sas"Alpese....
ANNETTA
(interrompendolo
sempre)
Bo lu poto assiguràre, in busacca no zughìada né cadena
nè nudha. Cussa es
cosa chi a’ lassada fuliàda ed’es
zogàda in’ungras a Mariedha, sa sorrighèdha, cussa er faghìndhe sar
dentes e ‘onzi carravore si che poned’in buca, ca li piàghede a rosigàre
peus de sos sorighes.
(e
giù tutti a ridere)
Mirade no sia cosa chi han cuàdu sos cumpànzos.
MAESTRO
Lassade... lassade.... In
donzi modu, si Zizzu no si ponede a istudiare… ‘eo lu botzo, sezis avvèrtida!
ANNETTA
Eo bo che leo su disturbu, a nor bider sanos, e carch’iscatulàda
dadebìla onzi tantu. (esce)
MAESTRO
Andhade cun Deus. Antòni,
cola a sa lavagna e gantzella cussa beneìta piràmide. (il
maestro osservando che Antonio aveva le scarpe spaiate)
Proìte zùghese un'iscàrpa niedha e una groga?
ANTONI
Mindhe sò pesàdu prima de fagher die e fio ancora mesu drommìdu.
MAESTRO
Abirgonzàdu, bae, bae sùbitu e cambiadìlas;
abindhe cherede passentzia! (Antonio
esce mentre tutti ridono).
Bachis, leze su còmpitu chi t’apo postu deris sero.
BACHIS
(aprendo
il quaderno, legge):
Parlate dei punti Cardinali. I punti del cardinale sono quattro punti
principali: il primo in direzione davanti, in dove nasce il sole; l'altro dove
non ci tocca mai e la quale ci ispirano i venti freddi intramontagne, l'altro
all’altra parte, alla parte della stella polare.
MAESTRO
A resòne chi no ischin ite sunu sas piràmides.
Amus pèrdidu tempus istudièndhe
sos puntos cardinàles! Ite
cheres chi ti nia....! Arzia sa
coa e sèidi!!!
GIOVANNI
(alzando
la mano)
Signor
Maè!
MAESTRO
Mancu male unu chi si faghed interrogàre.
GIOVANNI
No... nossignore.
MAESTRO
Ello?
GIOVANNI
Poto andhare in gabineto?
MAESTRO
Mi faghìad ispàntu! S'unica
cosa ch’ischisi faghere!
ANTONI
(bussando)
A si podede?
MAESTRO
Avanti! Ah, ses tue? Ammùstrami sas iscàrpasa.
Ma it’as cumbinàdu? Proìte
non ti las’asa cambiàdas?
ANTONI
(piagnucolando)
Ca
sas ateras duas fin su matessi: una niedha e una groga.
MAESTRO
(portandosi
le mani ai capelli)
Nostra Signora mia, no es possibile!
ZIZZU
No l'agataìasa a ti las tìnghere de su matessi colore!
Ma ses tontu!!!
ANTONI Tontu ses tue, ca derisèro m’asa nadu chi dròmmisi cun su motore atzesu ca faghese "roon… roon… roon…”. Invetze es ca ses ruminante.
MAESTRO
Pro caridade! Unu àinu
e s’àteru pèusu.
GIOVANNI
(tornando
dal gabinetto con in mano una catena)
Custa es sa cadèna chi fizis chirchendhe?
L’apo agatàda in su gabineto.
BIDELLO
(suonando
la campanella)
Ricreazione!
MAESTRO
(tergendosi
il sudore)
Za fid’ora, za lu meritaìa unu pagu 'e pasu!
CALA
IL SIPAR